過檔東亞側重發展非向錢看 康仔告別金牌否認不歡而散
星島日報報道)昨日本報獨家披露蘇永康約滿金牌後將以千萬酬勞過檔費跳槽東亞，昨日康仔出席中秋探訪活動時承認跳槽一事，但就強調離開並非只向錢看而是為了開拓更大市場，而離開後與金牌仍然會保持良好關係，並數度重申︰「我口地絕對無不歡而散！」文、圖︰康蕎
昨日康仔、蔡一智、鄭欣宜、張玉珊及周倩圯拉隊到觀塘社區中心，趁中秋佳節前夕探望長者，期間眾人與長者大玩遊戲及派發月餅和福袋，為長者們送上溫暖愛意一同歡渡中秋。
擇日再辦離巢派對
活動上康仔坦承約滿金牌會過檔東亞，而對前晚一心想低調舉行送別會，卻被金牌以中秋Party名義向傳媒發放通告，最終惹康仔不滿弄至不歡而散一事，康仔解釋說︰「我9月30日約滿金牌，我同公司溝通得好好，關係亦好好，我成日都講我係公司開國(功臣)其中一個！昨晚(前晚)的確係一早安排咗個Party，諗住到時好Soft咁同班同事Say個Goodbye，但遇著3號風球加上黃雨，唔取消都唔得啦？所以我口地絕對無不歡而散！(改期再舉行？)都會，但唔會再通知傳媒採訪，我諗住約滿前私下同同事食餐飯。」
續問到既然與金牌關係非常好，為何仍選擇跳槽？是否因逾千萬跳槽費吸引？康仔說︰「幾錢簽幾多年就唔好講，總之就好滿意啦！但錢唔係我最大考慮因素，我唱咗歌26年，將來個發展空間同開拓更大市場對我嚟講先係最重要。」再追問到今次跳槽東亞是否由好友的許志安穿針引線？而稍後約滿金牌的梁漢文又是否會步他後塵？康仔則說︰「其實Big4演唱會之後有好多家公司搵過我口地，兄弟之間係有傾到呢個話題，但我口地唔會話叫埋人口地一齊走，梁漢文同金牌仲有1年約，到時佢有咩決定會自己公布。」而訪問後康仔還再三叮囑記者︰「我口地真係無不歡而散！」
張玉珊祝福向華勝
此外，對舊愛向華勝已結婚，張玉珊坦言一早知道︰「我同向生有共同朋友，透過口的朋友知道，我真係好戥佢開心，搵到個好好伴侶，真心恭喜佢！(有無打電話畀向生？)其實大家都分咗手4年幾，唔會特登打啦！(幾時輪到你？)都想盡快，但我現時仲未有拖拍！」另外，今日中秋節，欣宜透露要為11月推出新碟錄音，故未能與外籍男友人月兩團圓，提到男友可會到錄音室陪她過節，她就決絕地說︰「我錄音唔鍾意有人探班！」 |
